Castellano Euskera English Français

SMS Bidez Denborak

2007ko martxoaren 19tik aurrera, DONOSTIA BUSeko erabiltzaileek geltokietatik autobusen iriste ordua jakin ahal izango dute SMS mezu erraz  baten bidez.

Bezeroentzako informazio sistema berri honekin Donostiabuseko geltokietan ezarritako informazio sistema osatzen da. Horretarako, orain urte bete baino gehiago linea guztietako geltoki esanguratsuenetan 75 panel elektroniko jarri ziren. SMS bidezko informazio sistema honen bidez oraingo sistema hobetzen eta osatzen dugu hiriko geltoki eta DONOSTIABUS-eko erabiltzaile guztietara zabalduz.

Sistema berri honen bidez ez da beharrezkoa izango geltokian bertan egotea eta informazioa edozein geltokitik eskatu ahal izango da. Mugikorra eta geltokiko kodea bakarrik izango dira beharrezkoak.

Ekimen berri hau Donostiako Tranbia Konpainiaren anbizio handiko berrikuntzarako proiektu teknologikoaren barruan kokatuta dago, zerbitzua hobetzeko teknologia berrien erabilerarekin, bezeroek jasotzen duten informazioaren hobekuntzarekin eta ingurumenaren hobekuntzarako erabiltzen ari garen autobus berriekin batera.

Zerbitzua erabiltzeko baldintza orokorrak:

1. Zerbitzuaren erabilera:

Horretarako, erabiltzaileak SMS bat bidali beharko du 7377 zenbakira geltokiko kodea idatziz eta berehala mezu bat jasoko du eskatutako geltokira autobusen iristeko denbora estimatua adieraziz.

Mezua euskaraz edo gazteleraz bidali daiteke honako testu honekin:

1. Euskaraz “DBUSA tartea GELTOKI KODEA”
2. Gaztelaniaz ““DBUS tartea CODIGO PARADA”

Erantzuna eskatutako hizkuntzan jasoko da.

Gainera, gaztelaniaz jasotako erantzunean  "Servicio ofrecido por Caja Laboral" edo antzeko beste esaldi bat agertuko da.

Euskaraz jasotako erantzunean "Euskadiko Kutxak eskeinitako zerbitzua" edo antzeko beste esaldi bat agertuko da.

Geltokietako kodeak DONOSTIABUSEKO 540 geltokietan egongo dira, berinapeetan eta zutoinetan. Era berean geltoki bakoitzean azalduko da mezuak bidaltzeko modua.

Jasotako erantzunean linea bakoitzeko lehenengo autobusen iriste ordua azalduko da, ibilbide desberdinak bereiziz.

Adibide bezala, 7377ra “DBUS 35” mezua bidaliz hurrengo informazio hau jaso ahal izango da 35 geltokiko kodea duen Londreseko Hotelari buruz:

DBUS Informa
25-Añorga  2m
33-Igara  6m
5-BentaBerri  8m
5-Zuatzu  14m
25-Belartza  21m

Edo euskaraz, “DBUSA 156” mezua bidaliz hurrengo informazio hau jaso ahal izango da 156 geltokiko kodea duen Gipuzkoako Plazari buruz:

DBUSaren informazioa:
L14-Bidebieta  2m
37-Zorroaga  10m

2. Zerbitzuaren kostua

Bezerorentzako kostu bakarra informazio eskaerarako mezuarena izango da, 0,15 € + BEZ, autobusen iristeko denbora adierazten duen mezuak, berriz, ez du inolako kosturik izango bezeroarentzako. Zerbitzuak EUSKADIKO KUTXAK eskaintzen du.

Zerbitzua merkatuko operadore guztien mugikorretan adierazitako datatik aurrera erabili ahal izango da: Movistar, Euskaltel, Vodafone, etab.

Orange operadorearen bidez bakarrik aipatutako zerbitzua erabili ahal izango da apirilaren 1etik aurrera. Ordura arte operadore honen bidezko mezuak 0.30 euro + BEZ balioko du.

3. Bestelakoak

DTK-ak bere bezeroei eskaintzen dien SMS bidez mezuak jasotzeko zerbitzuaren funtzionamendua dokumentua honetan zehaztuak dauden baldintzei loturikoa izango da, eta horrenbestez, hauek Donostiako Tranbia Konpainiarekin kontratatuko dute zerbitzua.

SMS bidez mezuak jasotzeko zerbitzua kontratatzen duen erabiltzaileak, Euskadiko Kutxako mezua jasotzeko  onarpena ematen du, dokumentu honetan zehazten den moduan.

Bluetooth bidez denborak

INFOBLUE sistema (autobusen iritsiera orduak Bluetooth bidez jakinarazteko sistema), gaur egun panel elektronikorik ez duten 20 geltokitan instalatu da. Orain arte geltoki horien erabiltzaileek SMS bidez edo webgunearen bidez jakin zitzaketen autobusak geltokira iristeko orduak, eta, hemendik aurrera, telefono mugikorretako Bluetooth bidez ere egin ahal izango dute hori.

Funtzionamendua oso erraza da; nahikoa da geltokiaren inguruan egotea eta telefono mugikorraren Bluetootha aktibatuta eta ikusgai izatea. Handik gutxira mugikorrean mezu bat helduko zaie INFOBLUE gailutik, autobusen iritsieera orduen gaineko informazio eguneratuarekin. Aldian-aldian, geltokiaren inguruan mezuak jasotzen jarraituko dute eguneratutako informazioarekin.

Sistema Bluetooth aplikazioa duten terminal mugikor guztietan erabil daiteke.

Horrela, hemendik aurrera Donostia erabiltzaileei informazioa emateko sistema hau duten lehen hiri europarretako bat izango da.

Sistema berri horrek osatu egiten du autobusen iritsiera orduak jakinarazteko gaur egun dugun eta honako elementuez osatuta dagoen sistema:

• Autobus iritsiera orduak jakinarazteko hiriko 83 geltokitan dauden informazio panel elektronikoak.
• www.dbus.es web orriaren bitartez eskaintzen den informazioa. Aurretik aipatu den informazio bera da, baina modu errazagoan emanda.
• Doako WIFI konexioa 28.AMARA-OSPITALEAK linearen geltoki guztietan.
• Mugikorren bidezko SMS mezuen sistema, hiriko geltoki guztietan erabilgarri dagoena. Bide horretatik informazioa jasotzeko "DBUS_CódigoParada" bidali behar da 217377 zenbakira.

Ekimen berri hori CIVITAS proiektuaren barruan bidaiariei informazioa emateko sistema hobetzeko hartu diren neurrietako bat da.

Sistema berria, bidaiarien garraioen sektoreko sistema teknologikoetan liderra den PROINTEC enpresak egindako garapen teknologikoari esker jarri ahal izan da abian.

Honakoak dira INFOBLUE sistema duten geltokiak:

• Garbera (366 kodea): 24-27-33 lineak
• Miramon (271 kodea): 28-31-35 lineak
• Zuatzu (49 kodea): 5. linea
• Zubieta 14 (506 kodea): 16-18 lineak
• Gregorio Ordoñez (525 kodea): 26-27-31 lineak
• Ategorrietako erlojua (107 kodea): 13-14-27 lineak
• Bianka (121 kodea): 13-24-31-38 lineak
• Antso Jakituna 11 (29 kodea): 21-26-28-32 lineak
• Renfe Intxaurrondo (64 kodea): 8-29 lineak
• Bartzelona 35 (399 kodea): 26-27-31 lineak
• Frantziskotarrak (100 kodea): 9-41 lineak
• Belartzako biribilgunea (360 kodea): 25. linea
• Toribio Alzaga (8 kodea): 24-26-31 lineak
• La Perla (36 kodea): 5-16-18-25 lineak
• Jesuitak (134 kodea): 13-24 lineak
• Pikabea Herrera 41 (127 kodea): 13-24 lineak
• Pío Baroja 4 (39 kodea): 16-18-24-35 lineak
• Nafarroa 34 (60 kodea): 8-17-40-41 lineak
• Antso Jakituna 12 (4 kodea): 17-21-26-28 lineak
• Medeurrena (195 kodea): 17-23-24-32 lineak

INFOBLUE sistema duten geltoki guztiak behar bezala identifikatuta daude, eta autobusen iritsiera orduak mugikorrean jasotzeko eman beharreko pausoak zehar meatz azaltzen dira.

Momentuz, sistema edozein terminal mugikorretatik erabil daiteke iPhoneetatik izan ezik, horien Bluetooth sistema ez baitago gainontzeko terminaletara "irekita".